तीनकुने क्षेत्रमा विरोध प्रदर्शन र सभा गर्न अनुमति नदिने ;संसदीय समिति
काठमाडौँ । संसदीय समितिले काठमाडौँको तीनकुने क्षेत्रमा सभा, विरोध प्रदर्शन र धर्ना जस्ता कार्यक्रम गर्न अनुमति नदिन सरकारलाई निर्देशन दिएको छ।
यस निर्देशनपछि, समितिले तीनकुनेमा गत चैत्र १५ गते भएको राजावादीहरूको विरोध प्रदर्शनका क्रममा भएका घटनाको छानबिन गरी संलग्नलाई कानुनी कारबाही अघि बढाउन सरकारलाई अनुरोध गरेको छ।
त्यस्तै, समितिले यस्ता हिंसात्मक घटनाहरूको पुनरावृत्ति रोक्न र संविधान, कानुन तथा संघीय लोकतान्त्रिक गणतन्त्रको रक्षा गर्न सरकारलाई निर्देशन दिएको छ। सुरक्षा निकायलाई आवश्यक साधन र स्रोत उपलब्ध गराउन पनि समितिले सरकारलाई आग्रह गरेको छ।
