_u8CXkJSoeG.jpg)
शिक्षकहरूको शुक्रबार काठमाडौँमा विरोध प्रदर्शन
काठमाडौँ । नेपाल शिक्षक महासंघले विद्यालय शिक्षा ऐन जारी गर्नुपर्ने माग राख्दै शुक्रबार काठमाडौँको माइतिघर र बबरमहल क्षेत्रमा विरोध प्रदर्शन गरेको छ।
बुधबारबाट अनिश्चितकालीन सडक आन्दोलन सुरु गरेको महासंघले आफ्ना माग पुरा नभएसम्म आन्दोलन जारी रहने चेतावनी दिएको छ। सदनको हिँउदे अधिवेशनबाट विद्यालय शिक्षा विधेयक अघि बढ्न नसकेपछि महासंघले यो कदम चालेको हो। यसअघि भएको सहमतिका आधारमा विधेयक पारित गर्नुपर्ने महासंघको माग छ। महासंघले आफ्ना माग पुरा नभएसम्म शिक्षकहरू विद्यालय नफर्कने चेतावनी दिएको छ।
