प्रहरीलाई आवश्यक साधन र स्रोत उपलब्ध गराउन निर्देशन : राजु अर्याल
काठमाडौँ । सशस्त्र प्रहरी बल नेपालका महानिरीक्षक राजु अर्यालले प्रहरी सङ्गठनहरूको साधन र स्रोतको अभावलाई लिएर चिन्ता व्यक्त गर्दै, सरकारले बजेट निर्माणको क्रममा यसलाई प्राथमिकता दिनुपर्नेमा जोड दिएका छन्।
उनले प्रहरीलाई आवश्यक साधन र स्रोत उपलब्ध गराउन गृह मन्त्रालयलाई लामो समयदेखि सूची बुझाए पनि त्यसमा प्रगति नभएको बताएका छन्। महानिरीक्षक अर्यालले सुरक्षा व्यवस्था राष्ट्रको प्राथमिकतामा पर्नुपर्ने र यसका लागि आवश्यक साधन र प्रविधि उपलब्ध गराउन बजेटमा समावेश गर्नुपर्ने बताएका छन्। यसैगरी, उनले समितिले सरकारलाई प्रहरीलाई साधन र स्रोत सम्पन्न बनाउन निर्देशन दिन आग्रह गरेका छन्।
