.jpeg)
बुधबारको वर्षाले काठमाडौँमा राहत
काठमाडौँ । बुधबार साँझदेखि परेको वर्षा र हावाहुरीका कारण काठमाडौँको वायु प्रदूषणमा केही राहत आएको छ। यसअघि प्रदूषणको उच्च स्तरका कारण काठमाडौँ विश्वकै प्रदूषित सहरहरूको सूचीमा परेको थियो।
वर्षासँगै वायु गुणस्तर सूचकाङ्क (एक्यूआई) घटेर १३० मा पुगेको छ । यो स्वास्थ्य समस्या रहेका व्यक्तिहरूका लागि हानिकारक मानिन्छ ।यसअघि एक्यूआई १९२, १७६, र १५६ पुगेको थियो। वर्षाले वन डढेलो र वायु प्रदूषण न्यूनीकरणमा मद्दत पुर्याएको छ। मौसमविद्हरूका अनुसार आगामी तीन दिनसम्म वर्षाको सम्भावना रहेको छ।
