सुनको नयाँ रेकर्ड, मूल्यमा वृद्धि
काठमाडौँ । आज नेपालमा सुनको मूल्यमा उल्लेखनीय वृद्धि भएको छ। नेपाल सुनचाँदी व्यवसायी महासंघका अनुसार, आज छापावाल सुनको मूल्य प्रतितोला १ लाख ८१ हजार १०० रुपैयाँ पुगेको छ, जुन बुधबारको मूल्यभन्दा ६ हजार रुपैयाँ बढी हो। यसअघि चैत महिनामा सुनको मूल्यले नयाँ रेकर्ड कायम गर्दै प्रतितोला १ लाख ८० हजार ३ सय रुपैयाँ पुगेको थियो। आजको मूल्यले त्यो रेकर्डलाई पार गर्दै नयाँ उच्चतम मूल्य बनाएको हो।
त्यस्तै, बिहीबार चाँदीको मूल्य पनि प्रतितोला १ हजार ९९५ रुपैयाँ पुगेको छ, जुन बुधबारको मूल्यभन्दा वृद्धि हो। यसअघि चाँदीको मूल्य प्रति तोला १ हजार ८३५ रुपैयाँ रहेको थियो।
