.jpeg)
नेपाल स्टक एक्सचेञ्ज (नेप्से) परिसूचक २७.१४ अंकले वृद्धि
काठमाडौं । २०८२ सालको पहिलो कारोबार दिन (मंगलबार) नेप्से परिसूचकमा २७.१४ अंकको वृद्धि भएको छ, जसले बजारमा सकारात्मक संकेत दिएको छ। यस दिन कारोबार रकम पनि वृद्धि भएको छ, जसमा ३२० कम्पनीका २ करोड १८ लाख ४१ हजार कित्ता सेयर ८ अर्ब ५४ करोड ४३ लाख ५७ हजार रुपैयाँ बराबरको कारोबार भएको छ।
गत आइतबार नेप्से परिसूचक सामान्य अंकले घटेर बन्द भएको थियो। यस दिन ८.६२ अंक घटेर २६६२.०८ विन्दुमा झरेको थियो।
नयाँ वर्षको पहिलो कारोबार दिन नेप्से परिसूचकमा हरियाली छाएको छ, जसले बजारमा सकारात्मक संकेत दिएको छ।
यस दिन सेन्सेटिभ इण्डेक्स ४.०७ अंक, फ्लोट इण्डेक्स १.९९ अंक र सेन्सेटिभ फ्लोट इण्डेक्स १.४१ अंकले वृद्धि भएको छ।
१३ उपसमूहमध्ये ११ उपसमूहको परिसूचक बढेको छ भने २ उपसमूहको परिसूचक घटेको छ। लगानी उपसमूहको परिसूचक २.७१ प्रतिशत बढेको छ। विकास बैंक उपसमूहको परिसूचक करिब साढे २ प्रतिशत, वित्त, जलविद्युत, होटल तथा पर्यटन, उत्पादन तथा प्रशोधन र निर्जीवन बीमा उपसमूहको परिसूचक १ प्रतिशतभन्दा बढीले बढ्दा व्यापार र म्युचुअल फण्ड उपसमूहको परिसूचक सामान्य घटेको छ।
यस दिन ५ कम्पनीको शेयर सकारात्मक सर्किट लेभलमा कारोबार भएको छ। त्यसमा ग्रीन डेभलपमेन्ट बैंक, सप्तकोशी डेभलपमेन्ट बैंक, कर्पोरेट डेभलपमेन्ट बैंक, नेपाल माइक्रो इन्स्योरेन्स र क्रेष्ट माइक्रो लाइफ इन्स्योरेन्सको शेयर सकारात्मक सर्किट लेभलमा कारोबार भएको छ।
त्यस्तै, गुराँस लघुवित्त वित्तीय संस्थाको शेयरमूल्य साढे ५ प्रतिशत बढेको छ।
तर, कारोबारमा आएको बाराही हाइड्रोपावरको शेयरमूल्य ९.६९ प्रतिशत घटेको छ। कारोबार रकमका आधारमा बाराही हाइड्रोपावर कम्पनीको २ अर्ब १ करोड २९ लाख ९३ हजार रुपैयाँबराबरको शेयर खरिदबिक्री भएको छ।
