शिक्षामन्त्रीले अन्तिममा के भनिन् ?
काठमाडौँ । शिक्षा, विज्ञान तथा प्रविधिमन्त्री विद्या भट्टराईले आन्दोलनरत शिक्षकहरूलाई माग सम्बोधन गर्ने प्रतिबद्धता जनाएकी छन् । भिडियो सन्देश जारी गर्दै मन्त्री भट्टराईले माग सम्बोधन गर्नका लागि नै संसद्को अधिवेशन आह्वान गरेको बताएकी हुन् ।
उनले भिडियो सन्देशमार्फत विद्यालय शिक्षा ऐन–२०८० पारित गर्नका लागि संसद्को अधिवेशन आह्वान गरिएको जानकारी दिइन्। यसैगरी, शिक्षकहरूको तलब नियमित रूपमा उपलब्ध गराउनका लागि स्थानीय तहलाई निर्देशन दिइसकेको र विद्यालय शिक्षकको दरबन्दी पुनरावलोकन गरिने बताइन्।
