के साँच्चै कक्षा १२ को परीक्षा स्थगित भएको हो त ?
काठमाडौँ । राष्ट्रिय परीक्षा बोर्डले आगामी २०८२ सालको कक्षा १२ को वार्षिक परीक्षा २०८२ वैशाख ११ गतेदेखि सञ्चालन हुने जनाएको छ।
यसअघि सामाजिक सञ्जालमा बोर्डको लेटरप्याडमा अध्यक्षको हस्ताक्षर राखेर परीक्षा स्थगित भएको भ्रामक सूचना फैलिएको थियो। यसको खण्डन गर्दै बोर्डले विज्ञप्ति जारी गरी परीक्षा स्थगित नगरेको स्पष्ट पारेको हो। बोर्डले यस्ता भ्रामक सूचनामा विश्वास नगर्न र आधिकारिक वेबसाइटमा प्रकाशित सूचनालाई मात्र ध्यान दिन आग्रह गरेको छ।
