.jpeg)
आज दिउँसो कार र टिपर एकआपसमा ठोक्किँदा दुई जनाको मृत्यु ,बारा
काठमाडौँ । बारामा आज दिउँसो कार र टिपर एकआपसमा ठोक्किँदा दुई जनाको मृत्यु भएको छ। घटना निजगढ–कलैया सडक खण्डको १३ किलो भन्ने स्थानमा भएको हो। मृत्यु हुनेमा सर्लाही बरहथवा बस्ने ५५ वर्षीय हरिनारायण शर्मा र कार चालक रहेका छन्। कार चालकको नाम र ठेगाना भने अहिलेसम्म खुल्न सकेको छैन।
प्रहरीका अनुसार, पश्चिमतर्फ आउँदै गरेको बा ०१–०२५–ख ५०७८ नं. को कार र पूर्वतर्फ जाँदै गरेको मधेस प्रदेशको २–०३–००१–ख ०६०७ नं. को टिपर एकआपसमा ठोक्किएका थिए। दुर्घटनामा परी दुई जनाको घटनास्थलमै मृत्यु भएको र एक जना घाइते भएका छन्। घाइतेको उपचारका लागि अस्पताल पठाइएको छ।
प्रहरीले घटनाको विस्तृत अनुसन्धान सुरु गरेको जनाएको छ।
