.jpeg)
धरान चारकोसे जङ्गलमा कार दुर्घटना ,१ को मृत्यु ३ घाइते
काठमाडौँ - धरान–इटहरी सडकखण्डको चारकोसे जंगल क्षेत्रमा भएको कार दुर्घटनामा एक जनाको मृत्यु भएको छ भने तीन जना घाइते भएका छन्। प्रहरीका अनुसार, बागमती प्रदेश ०१–०३०च ४६१८ नम्बरको कार अनियन्त्रित भई दुर्घटनामा परेको हो।
दुर्घटनामा गम्भीर घाइते भएका इटहरी–१ का ४० वर्षीय विष्णु राउतको धरानस्थित बीपी कोइराला स्वास्थ्य विज्ञान प्रतिष्ठानमा उपचारका क्रममा निधन भएको छ। कारमा चालक सहित चार जना सवार थिए।
घाइते हुनेमा चालक विवेक लामा (३० वर्ष, रामधुनी नगरपालिका–७), गङ्गा बस्नेत (४३ वर्ष, इटहरी–४), र कल्याण कटुवाल (३१ वर्ष, इटहरी–१) रहेका छन्। चालक र बस्नेतको अवस्था सामान्य रहेको छ भने कटुवाललाई थप उपचारका लागि विराटनगरस्थित बिराट मेडिकल कलेजमा रेफर गरिएको छ।
यस घटनामा थप अनुसन्धान जारी रहेको र दुर्घटनाका कारणहरूको पत्ता लगाउन प्रयास भइरहेको प्रहरीले जनाएको छ।
