.jpeg)
विभिन्न स्थानबाट १२ जनालाई अवैध लागूऔषधसहित पक्राउ
काठमाडौँ - नेपाल प्रहरीले देशभरका विभिन्न स्थानबाट १२ जनालाई अवैध लागूऔषधसहित पक्राउ गरेको छ। पक्राउ पर्नेमा मोरङ, कैलाली, कञ्चनपुर, चितवन, मकवानपुर, सुर्खेत, बाँके र सङ्खुवासभाका नागरिक रहेका छन्।
मोरङको विराटनगर महानगरपालिका–१५ बैंक रोडबाट ३१ वर्षीय सरन डाँगीलाई २ ग्राम ४० मिलिग्राम खैरो हेरोइन जस्तो देखिने पदार्थसहित पक्राउ गरिएको छ। उनी भारतबाट साइकलमा नेपालतर्फ आउँदै थिए।
कैलालीको कैलारी गाउँपालिका–१ सडकपुरबाट २५ वर्षीय सन्जु कुमार चौधरीलाई ४ सय ३० मिलिग्राम खैरो हेरोइन जस्तो देखिने पदार्थसहित पक्राउ गरिएको छ।
कञ्चनपुरको बेलौरी नगरपालिका–१ हनुमानथानबाट ३९ वर्षीय करन बहादुर देउवा र ३५ वर्षीय रोहित शाहीलाई ४ सय ६० मिलिग्राम खैरो हेरोइन जस्तो देखिने पदार्थसहित पक्राउ गरिएको छ।
कञ्चनपुरकै भीमदत्त नगरपालिका–११ गड्डाचौकीबाट २५ वर्षीय राम बहादुर बिष्टलाई १३ ग्राम २ सय ७० मिलिग्राम खैरो हेरोइन जस्तो देखिने पदार्थसहित पक्राउ गरिएको छ।
चितवनको भरतपुर महानगरपालिका–२६ सिसुवारबाट ६१ वर्षीय शान्ति कुमारी महतो र २५ वर्षीय विशाल सुनारलाई ३ हजार ५ सय ४३ ट्याब्लेट ट्रामाडोल र करिब ३ सय ग्राम गाँजा जस्तो देखिने पदार्थसहित पक्राउ गरिएको छ।
मकवानपुरको हेटौँडा उपमहानगरपालिका–१५ पिपलवोटस्थित सडकबाट १९ वर्षीय विशाल सार्कीलाई ३ ग्राम खैरो हेरोइन जस्तो देखिने पदार्थसहित पक्राउ गरिएको छ।
सुर्खेतको वीरेन्द्रनगर नगरपालिका–१४ कटुकास्थित सडकबाट २१ वर्षीय अनिश नेपालीलाई १ सय ९० मिलिग्राम ब्राउनसुगर जस्तो देखिने पदार्थसहित पक्राउ गरिएको छ।
सङ्खुवासभाको धर्मदेवी नगरपालिका–४ तिरतिरे बस्ने २८ वर्षीय राम बहादुर अधिकारी, २६ वर्षीय केशव घिमिरे र मादी नगरपालिका–६ पुलुङ बस्ने ३८ वर्षीय देवेन्द्र थापालाई १२ ग्राम ३ सय ९० मिलिग्राम अफिम जस्तो देखिने पदार्थसहित पक्राउ गरिएको छ।
नेपाल प्रहरीले लागूऔषध नियन्त्रणमा कडा कदम चालेको छ र यस सम्बन्धमा आवश्यक अनुसन्धान भइरहेको जनाएको छ।
