काठमाडौँबाट बझाङतर्फ जाँदै गरेको बस कैलालीमा दुर्घटना
काठमाडौँ - कैलालीको घोडाघोडी नगरपालिका–२ स्थित पूर्व–पश्चिम राजमार्गअन्तर्गत बिहीबार बिहान काठमाडौँबाट बझाङतर्फ जाँदै गरेको बस दुर्घटनामा परेको छ। सुप–प्र ०१००१ ख ३३८५ नम्बरको बसले विपरीत दिशाबाट आउँदै गरेको सुप–प्र ०१००२ त ४६४० नम्बरको ट्र्याक्टरलाई ओभरटेक गर्ने क्रममा सन्तुलन गुमाएर दुर्घटना भएको हो। यस दुर्घटनामा १३ जना घाइते भएका छन्। घाइतेहरूको उपचार स्थानीय निशर्ग अस्पतालमा भइरहेको प्रहरीले जनाएको छ।
