.jpeg)
नेप्सेमा चार दिनको लगातार गिरावटपछि सामान्य सुधार
काठमाडौँ - नेपाली सेयर बजारमा साताको अन्तिम कारोबार दिन सामान्य सुधार आएको छ। नेपाल स्टक एक्सचेञ्ज (नेप्से) परिसूचक बिहीबार २.०८ अंकले बढेर २६५८.०२ विन्दुमा पुगेको छ। यस दिन ३०८ कम्पनीका १ करोड ९७ लाख ५४ हजार कित्ता सेयर खरिदबिक्री भएको छ, जसको कुल कारोबार रकम ७ अर्ब ८७ करोड ९३ लाख ८१ हजार रुपैयाँ रहेको छ।
बिहीबार १३ उपसमूहमध्ये ५ उपसमूहको परिसूचक बढेको छ भने ८ उपसमूहको परिसूचक घटेको छ। लगानी उपसमूहको परिसूचक २.२९ प्रतिशतले बढेको छ। व्यापार, बैंकिङ, जलविद्युत र म्युचुअल फण्ड उपसमूहमध्ये पनि सामान्य वृद्धि देखिएको छ। तर, होटल तथा पर्यटन उपसमूहमको परिसूचक १.१६ प्रतिशतले घटेको छ।
नेप्से परिसूचकसँगै दुई कम्पनीको सेयर मूल्य सकारात्मक सर्किट लेभलमा पुगेको छ। नेपाल माइक्रो इन्स्योरेन्स कम्पनी र क्रेष्ट माइक्रो लाइफ इन्स्योरेन्सको सेयर मूल्य सकारात्मक सर्किट लेभलमा कारोबार भएको हो। तर, नेपाल हाइड्रो डेभलोपर्सको सेयर मूल्य ७.१२ प्रतिशतले घटेको छ।
कारोबार रकमका आधारमा ङादी ग्रुप पावर कम्पनीको यस दिन ७० करोड ३४ लाख ९५ हजार रुपैयाँ बराबरको सेयर खरिदबिक्री भएको छ।
