पौडी खेल्नेक्रममा बेपत्ता भएका गोविन्दको शव फेला
काठमाडौँ - सुर्खेतको सिम्ता गाउँपालिका-४ का ५८ वर्षीय गोविन्द पोख्रेल भेरी नदीमा पौडी खेल्ने क्रममा बेपत्ता भएका थिए। बुधबार दिउँसो पौडी खेल्ने क्रममा उनी नदीमा डुबेर बेपत्ता भएका थिए। उनी बेपत्ता भएपछि सशस्त्र प्रहरीका गोताखोरले खोजी सुरु गरेका थिए ।
आज बिहीबार उनको शव भेरी नदीमा ५० फिट गहिराइबाट सशस्त्र प्रहरीका गोताखोरले निकालेको सशस्त्रका सहप्रवक्ता डीएसपी शैलेन्द्र थापाले जानकारी दिए।
५८ वर्षका पोख्रेल मलामी गएको बेला पौडी खेल्न भेरीमा पसेका थिए। सोहीक्रममा उनी बेपत्ता भएका थिए।
