विमान दुर्घटनामा ६ जनाको मृत्यु
काठमाडौँ - थाइल्याण्डको हुआ हिन नजिकै शुक्रबार बिहान ८:१५ बजे भएको विमान दुर्घटनामा ६ जना प्रहरी अधिकारीको मृत्यु भएको छ। विमानले प्यारासुट तालिमको तयारीका लागि परीक्षण उडान गरिरहेको थियो। दुर्घटनामा ५ जनाको घटनास्थलमै र १ जनाको अस्पतालमा उपचारका क्रममा मृत्यु भएको छ।
दुर्घटनामा मृत्यु भएका सबै व्यक्तिहरू प्रहरी अधिकारी रहेको र विमानको ब्ल्याक बक्स फेला परेको थाइल्याण्डका अधिकारीहरूले पुष्टि गरेका छन्। यस घटनाको कारणको अनुसन्धान भइरहेको र थप विवरणहरू प्राप्त गर्न ब्ल्याक बक्सको डाटा विश्लेषण गरिने जनाइएको छ।
