दुर्गा प्रसाईं र रविन्द्र मिश्रलाई आज म्याद थप गरिँदै
काठमाडौँ - तीनकुनेको प्रदर्शनमा नेतृत्व गरेका दुर्गा प्रसाईं र रविन्द्र मिश्र सहितका व्यक्तिहरूलाई म्याद थप गर्न अदालतमा पेश गरिने तयारी भइरहेको छ। उनीहरूलाई राज्यविरुद्धको अपराधमा अनुसन्धान भइरहेको छ।
गत वैशाख ११ मा, अदालतले दुर्गा प्रसाईं र रविन्द्र मिश्रसहित २४ जनालाई ३ दिन हिरासतमा राखेर अनुसन्धान गर्न प्रहरीलाई अनुमति दिएको थियो। त्यसपछि, म्याद थप गर्नका लागि उनीहरूलाई अदालतमा उपस्थित गराउने तयारी भइरहेको जिल्ला प्रहरी परिसर काठमाडौँका एसपी अपिल बोहराले जानकारी दिएका छन्।
