_u8CXkJSoeG.jpg)
झडपपछि शिक्षकहरूले काठमाडौँ केन्द्रित आन्दोलनलाई थप चर्काउँदै
काठमाडौँ - नेपाल शिक्षक महासंघले आइतबार भएको झडपपछि काठमाडौँमा जारी आन्दोलनलाई थप तीव्र बनाउने निर्णय गरेको छ। महासंघका अध्यक्ष लक्ष्मीकिशोर सुवेदीले शान्तिपूर्ण आन्दोलनमा रहेका शिक्षक र कर्मचारीमाथि भएको दमनको विरोध गर्दै, सङ्घीय शिक्षा ऐनका मस्यौदामा शिक्षकका हकहित र मागमाथि षड्यन्त्र भइरहेको भन्दै आन्दोलनलाई थप सशक्त बनाउन आह्वान गरेका छन्।
उनले एक विज्ञप्तिमा जारी गर्दै भनेका छन्, ‘नेपाली शिक्षक-कर्मचारीहरू अग्रगामी विद्यालय शिक्षा ऐन बिना आफ्नो कार्यक्षेत्रमा नफर्कने कुरा पुनः उद्घोष गर्दै देशभरका सबै शिक्षक-कर्मचारी साथीहरूलाई आफ्ना साथीहरू माथि भएको यो अत्याचारको प्रतिकार गर्न अनिवार्य काठमाडौँ आइ आन्दोलनमा सहभागी हुन जोडदार अपिल गर्दछौँ ।’
