उपरथी महरालाई प्रधान सेनापति सिग्देलद्वारा दर्ज्यानी चिन्ह प्रदान
काठमाडौँ - नेपाल सेनाका उपरथी मान बहादुर महरालाई प्रधान सेनापति अशोक राज सिग्देलले मंगलबार जंगी अड्डामा आयोजित एक विशेष समारोहमा उपरथी दर्जामा पदोन्नति प्राप्त उपरथी मान बहादुर महरालाई दर्ज्यानी चिन्ह प्रदान गरेका छन्।
उपरथी महरा हाल संयुक्त राष्ट्रसंघको लेबनानस्थित UNIFIL (United Nations Interim Force in Lebanon) मिसनमा डेपुटी फोर्स कमान्डरको जिम्मेवारीमा कार्यरत छन्।
यस अवसरमा प्रधान सेनापति सिग्देलले सहायक रथी दर्जामा पदोन्नति भएका मनोज थापा र अर्जुन बस्नेतलाई समेत दर्ज्यानी चिन्ह प्रदान गरेका छन्। साथै, प्रमुख सेनानी ब्रजेश महर्जनलाई पनि सम्मानित गरिएको सैनिक जनसम्पर्क तथा सूचना निर्देशनालयले जनाएको छ।
