प्रतिनिधि सभाको बैठक मङ्गलबार बिहान ११ बजेसम्मका लागि स्थगित
काठमाडौँ - प्रतिनिधि सभाको बैठक आइतबारको छलफलपछि मङ्गलबार बिहान ११ बजेसम्मका लागि स्थगित भएको छ।
बैठकमा राष्ट्रपति रामचन्द्र पौडेलले वैशाख १९ गते संघीय संसद्को संयुक्त सदनमा पेस गरेको नेपाल सरकारको वार्षिक नीति तथा कार्यक्रम बहुमतले पारित भएको हो। बैठकमा उपप्रधानमन्त्री तथा अर्थमन्त्री विष्णुप्रसाद पौडेलले ‘आर्थिक वर्ष २०८२/८३ को लागि विनियोजन विधेयकका सिद्धान्त र प्राथमिकता सम्बन्धमा (कर प्रस्ताव बाहेक) माथि छलफल गरियोस् भन्ने प्रस्ताव पेस गरे। यस प्रस्तावमाथि मङ्गलबारको बैठकमा छलफल हुने अपेक्षा गरिएको छ।
