आर्थिक वर्षको नीति तथा कार्यक्रम सङ्घीय संसद्का दुवै सदनबाट पारित
काठमाडौँ - आगामी आर्थिक वर्ष २०८२/०८३ का लागि सरकारले प्रस्तुत गरेको नीति तथा कार्यक्रम सङ्घीय संसद्का दुवै सदनबाट बहुमतले पारित भएको छ।
गत १९ वैशाखमा बसेको सङ्घीय संसद्को संयुक्त बैठकमा राष्ट्रपति रामचन्द्र पौडेलले सरकारको वार्षिक नीति तथा कार्यक्रम प्रस्तुत गरेका थिए। त्यसपछि प्रतिनिधि सभा र राष्ट्रिय सभामा छलफलपछि उक्त नीति तथा कार्यक्रम पारित भएको हो। यसका आधारमा सरकारले आगामी जेठ १५ गते बजेट प्रस्तुत गर्ने तयारी गरेको छ।
