प्रधानमन्त्री ओलीको २५६९ औं बुद्धजयन्तीको अवसरमा शुभकामना सन्देश
काठमाडौँ - प्रधानमन्त्री केपी शर्मा ओलीले २५६९ औं बुद्धजयन्तीको अवसरमा सम्पूर्ण नेपाली जनतालाई शुभकामना व्यक्त गर्दै गौतम बुद्धका शिक्षालाई आत्मसात् गरी शान्ति, करुणा र उज्यालो भविष्यको कामना गरेका छन्।
प्रधानमन्त्री ओलीले सामाजिक सञ्जालमार्फत् लेखेका छन्, “अहिंसाको उज्यालो प्रकाश, मानवता र करुणाको अमूल्य उपहार–यिनै हुन् गौतम बुद्ध।” उनले थपे, “बुद्ध जयन्तीले हामीलाई उहाँको जन्म, बोध प्राप्ति र महापरिनिर्वाणको स्मरण गराउँछ।”
उनले बुद्धका मार्गदर्शनले हाम्रो दृष्टि सम्यक् बनोस्, विचार शुद्ध रहोस् र कर्म उज्यालो होस् भन्ने कामना समेत गरेका छन्।
