मेक्सिकोमा मेयर उम्मेदवारसहित ४ जनाको गोली हानी हत्या
काठमाडौँ - मेक्सिकोको भेराक्रुज राज्यको टेक्सिस्टेपेक नगरपालिकामा चुनावी प्रचारका क्रममा मेयर उम्मेदवार येसेनिया लारा गुटिएरेज र तीन अन्य व्यक्तिको गोली हानी हत्या भएको छ। सो घटना आइतबार भएको थियो र यसलाई फेसबुकमा प्रत्यक्ष प्रसारण गरिएको थियो। गोली प्रहारका क्रममा मेयर उम्मेदवारसहित चार जनाको मृत्यु भएको र तीन जना घाइते भएका छन्। आक्रमणकारीहरूले मोटरसाइकलमा सवार भएर हमला गरेका थिए।
घटनामा मेक्सिकोका राष्ट्रपति क्लाउडिया शेनबाउम र भेराक्रुजकी गभर्नर रोसियो नाहलेले गम्भीर आपत्ति जनाउँदै दोषीलाई कारबाही गर्ने प्रतिबद्धता जनाएका छन्।
