श्रीमानको हत्या गरेको अभियोगमा ५० वर्षीया महिला पक्राउ
काठमाडौँ - बंगलाचुली गाउँपालिका-७, हल्दीका ५० वर्षीया संगीता सुनारी मगरलाई आफ्नै श्रीमान् पुनाराम सुनारी मगरको हत्या गरेको अभियोगमा सोमबार राति प्रहरीले पक्राउ गरेको छ।
प्रारम्भिक अनुसन्धानका अनुसार, घरायसी विवादका क्रममा संगीता सुनारी मगरले दाउराको चिर्पट प्रहार गर्दा पुनारामको घटनास्थलमै मृत्यु भएको थियो। घटनाबारे खबर प्राप्त हुनासाथ इलाका प्रहरी कार्यालय भालुबाङ र प्रहरी चौकी हासिँपुरबाट खटिएको प्रहरी टोलीले उनलाई पक्राउ गरेको हो।
यस सम्बन्धमा प्रहरीले आवश्यक अनुसन्धान गरिरहेको छ।
