बुढानिलकण्ठमा नौलिङ्गेश्वरी भद्रकाली जात्रामा सिन्दूर जात्राको धूम (तस्बिरहरू)
काठमाडौँ - बुढानिलकण्ठ नगरपालिका-१३ मा वैशाख २७ गतेदेखि शुरु भएको श्री नौलिन (नौलिङ्गेश्वरी) भद्रकाली जात्रामा आज सिन्दूर जात्रा सम्पन्न भएको छ। यस अवसरमा तीन दिदीबहिनी—तुपेक भद्रकाली, चपली भद्रकाली र चुनीखेल भद्रकाली—सहित गणेशको खट नगरपरिक्रमा गरिएको छ।
नौलिङ्गेश्वरी मन्दिरमा पञ्चबलि अर्पण गरी जात्राको प्रारम्भ गरिएको थियो। यस जात्रामा टुसाल, गाम्चा, शापाटार, चपली र चुनिखेल क्षेत्रको परिक्रमा गरिन्छ। सिन्दूर जात्रामा सहभागीहरूले एकअर्कामा सिन्दूर लगाएर धार्मिक उल्लास व्यक्त गरेर मनाइन्छ।
नौलिङ्गेश्वरी मन्दिर काठमाडौँ उपत्यकाको प्राचीन र प्रतिष्ठित काली मन्दिरमध्ये एक मानिन्छ।
