नेप्से परिसूचक मङ्गलबार दोहोरो अङ्कले घट्यो, कारोबार ९ अर्ब ६३ करोड
काठमाडौँ - नेपाल स्टक एक्सचेन्ज (नेप्से) मा मङ्गलबार पनि दोहोरो अङ्कको गिरावट देखिएको छ। परिसूचक १४.१२ अङ्कले घटेर २६३४.८६ विन्दुमा पुगेको छ। यससँगै, बजारमा ९ अर्ब ६३ करोड रुपैयाँ बराबरको कारोबार भएको छ।बजारमा ७७ कम्पनीको मूल्य बढ्दा १६८ कम्पनीको मूल्य घटेको छ भने एउटा कम्पनीको मूल्य स्थिर रहेको छ। क्रेट माइक्रो लाइफ र ओम मेगाश्री फर्मास्युटिकल्स कम्पनीका सेयर मूल्यमा सकारात्मक सर्किट लागेको छ। गुराँस लघुवित्त वित्तीय संस्थाको सेयर मूल्य सबैभन्दा धेरै घटेको छ।
क्षेत्रगत रूपमा जीवन बीमा, विकास बैंक र उत्पादन तथा प्रशोधनमूलक कम्पनीको सूचक बढ्दा अरू सूचक घटेका छन्। सबैभन्दा बढी होटल र ट्रेडिङ क्षेत्रको परिसूचक २ प्रतिशतभन्दा धेरैले घटेको छ।युनिभर्सल पावर कम्पनीको सबैभन्दा धेरै कारोबार भएको छ। कारोबार भएको शेयर सङ्ख्यामा पनि युनिभर्सल पावर नै अगाडि रहँदा कारोबार सङ्ख्यामा भने नेपाल माइक्रो इन्स्योरेन्स अगाडि रहेको देखिन्छ।
