गोदावरी नगरपालिकासँग नागरिक लगानी कोषको नागरिक पेन्सन योजनामा सम्झौता
काठमाडौँ - गोदावरी नगरपालिकाले आफ्ना शिक्षक र कर्मचारीहरूको भविष्यलाई सुरक्षित गर्न नागरिक लगानी कोषसँग नागरिक पेन्सन योजना सञ्चालन गर्ने सम्झौतामा हस्ताक्षर गरेको छ। सम्झौतामा नगर प्रमुख वीरेन्द्र भट्ट र नागरिक लगानी कोषका कार्यकारी निर्देशक पर्वत कुमार कार्कीले हस्ताक्षर गरे।
यस योजनाअनुसार, नगरपालिकाका शिक्षक र कर्मचारीहरूले मासिक १,००० रुपैयाँ जम्मा गर्नेछन्। यसमा ५०० रुपैयाँ तिनीहरूको तलवबाट र बाँकी ५०० रुपैयाँ नगरपालिका शिक्षक कर्मचारी कल्याणकारी कोषबाट थप गरिनेछ। जम्मा भएको रकमको आधारमा सहभागीलाई एकमुष्ट भुक्तानी वा ६० वर्ष पुगेपछि मासिक पेन्सन उपलब्ध गराइनेछ।
