.jpeg)
ओलीले मुलुकको ढुकुटी रित्तो रहेको स्वीकार्दै आर्थिक सुधारको प्रतिबद्धता व्यक्त गरे
काठमाडौँ - प्रधानमन्त्री केपी शर्मा ओलीले मुलुकको ढुकुटी रित्तो रहेको स्वीकार गर्दै आगामी दिनमा आर्थिक सुधार र समृद्धिको लागि सरकार प्रतिबद्ध रहेको बताएका छन्। मंगलबार बालुवाटारमा आयोजित सिनेपा चलचित्र छायांकन स्टुडियो निर्माण आरम्भ उद्घोष समारोहलाई सम्बोधन गर्दै उनले यसअघि प्रधानमन्त्री हुँदा देशको ढुकुटीमा पर्याप्त पैसा रहेको उल्लेख गर्दै अहिलेको अवस्थामा पैसाको अभावका कारण केही योजनाहरू सञ्चालन गर्न कठिनाइ भइरहेको बताएका छन्।
प्रधानमन्त्री ओलीले भने, “पहिले ढुकुटीमा पैसा थियो, जे पनि गर्न सकिन्थ्यो। अहिले पैसा छैन, त्यसैले केही गर्न पनि डर लाग्छ।” उनले आफूले सुरु गरेका योजनाहरूलाई निरन्तरता दिने र मुलुकको आर्थिक अवस्था सुधार्ने प्रतिबद्धता व्यक्त गरे। उनले थपे, “अर्थतन्त्र अब ओरालो नलाग्नेछ, हामी समृद्धिको बाटोमा अघि बढ्नेछौं।”
