आर्थिक वर्ष २०८२/८३ को नीति तथा कार्यक्रम प्रदेश सभामा प्रस्तुत गर्ने ,कोशी प्रदेश
काठमाडौँ - कोशी प्रदेश सरकारले आगामी आर्थिक वर्ष २०८२/८३ का लागि नीति तथा कार्यक्रम प्रदेश सभामा प्रस्तुत गर्ने निर्णय गरेको छ। आइतबार बसेको मन्त्रिपरिषद् बैठकले उक्त नीति तथा कार्यक्रम प्रदेश सभामा पेस गर्ने निर्णय गरेको हो।
आन्तरिक मामिला तथा कानुन मन्त्री रेवती रमण भण्डारीका अनुसार, प्रदेश प्रमुख परशुराम खापुङलाई प्रदेश सभामा सरकारको नीति तथा कार्यक्रम प्रस्तुत गर्नका लागि अनुरोध गर्ने निर्णय गरिएको छ। मन्त्री भण्डारीले बैठकपछि जानकारी दिँदै भने, “सरकारको मन्त्रिपरिषद् बैठकले नीति तथा कार्यक्रम पास गरेको र प्रदेश सभामा प्रस्तुत गर्नका लागि आवश्यक व्यवस्था मिलाइदिन प्रदेश सभामा पनि आग्रह गरिएको छ।”
