अनलाइन जुवा सञ्चालन गरेको आरोपमा आमा-छोरी पक्राउ, झापा
काठमाडौं - झापाको कनकाई नगरपालिका–८ लक्ष्मीपुरमा अनलाइन जुवा सञ्चालन गरेको आरोपमा आमा-छोरी पक्राउ परेका छन्। पक्राउ पर्नेमा ४१ वर्षीया इन्दिरा प्रसाईँ र उनकी २१ वर्षीया छोरी सिम्रन प्रसाईँ रहेका छन्।
इलाका प्रहरी कार्यालय बिर्तामोडका अनुसार बुधबार बिहान २:३० बजे विशेष सूचनाको आधारमा छापा मारी उनीहरूको घरबाट ५ थान मोबाइल, २ थान ट्याब्लेट र १ थान ल्यापटप बरामद गरिएको छ। प्रारम्भिक अनुसन्धानमा उनीहरूले कर्मचारी राखेर अनलाइन जुवा सञ्चालन गर्दै आएको पुष्टि भएको प्रहरीले जनाएको छ।
पक्राउ परेका आमा-छोरीलाई थप अनुसन्धानका लागि इलाका प्रहरी कार्यालय बिर्तामोडमा राखिएको छ।
