राष्ट्रिय सभाको बैठक एक सातासम्म स्थगित, पर्यटन विधेयक स्वीकृत
काठमाडौं - राष्ट्रिय सभाको बैठक बुधबार एक सातासम्मका लागि स्थगित भएको छ। बैठकको समापनमा राष्ट्रिय सभा अध्यक्ष नारायणप्रसाद दाहालले आगामी बैठक १४ जेठमा बस्ने जानकारी दिएका छन्।
बैठकमा संस्कृति, पर्यटन तथा नागरिक उड्डयनमन्त्री बद्रीप्रसाद पाण्डेले प्रस्तुत गरेको ‘पर्यटन विधेयक, २०८१ माथि विचार गरियोस्’ भन्ने प्रस्ताव सर्वसम्मतिले स्वीकृत भएको छ।
