धनगढीमा हाते ट्याक्टरको ठक्करबाट घाइते बालकको उपचारका क्रममा भारतमा मृत्यु
काठमाडौं - धनगढी उपमहानगरपालिका–७ स्थित जोखर ताल नजिक ६ जेठमा हाते ट्याक्टरको ठक्करबाट घाइते भएका कञ्चनपुरको भीमदत्त नगरपालिका–१ का २ वर्षीय देजल मल्लको उपचारका क्रममा भारतको रुद्रपुरस्थित मेडीसिटी अस्पतालमा मृत्यु भएको छ।
प्रहरी नायब उपरीक्षक (डीएसपी) राजकुमार सिंहका अनुसार, मल्ललाई जेठ ४ गते साँझ करिब ६ बजेतिर जाखोर ताल नजिकै भजनी नगरपालिका–४ बिजुलियाका जितेन्द्र चौधरीका १४ वर्षीया छोरा आर्यन चौधरीले चलाएको नम्बर नभएको हाते ट्याक्टरले ठक्कर दिएको थियो। ट्याक्टरको ठक्करबाट बालकको टाउकोमा गम्भीर चोट लागेको थियो। धनगढीको निसर्ग अस्पतालले उनको अवस्था जटिल देखिएपछि थप उपचारका लागि भारत रेफर गरेको थियो।
