गण्डकी प्रदेशको बजेट अधिवेशन आजदेखि सुरु
काठमाडौं - गण्डकी प्रदेशको बजेट अधिवेशन आजबाट सुरु ,प्रदेश प्रमुख डिल्लीराज भट्टले आज दिउँसो २ बजे पहिलो बैठक आह्वान गरेका छन्। यस अधिवेशनमा सबै दलका नेताहरूले सम्बोधन गर्नेछन् र सरकार बजेट र नीति तथा कार्यक्रम प्रस्तुत गर्ने तयारीमा छ।
संसद् सचिवालयका अनुसार, सोमबार बैठकमा बजेटका सिद्धान्त र प्राथमिकता प्रस्तुत गरिनेछ। यसपछि, आगामी १९ गते नीति तथा कार्यक्रम संसदमा टेबुल गर्ने बताइएको छ। संविधान अनुसार प्रत्येक असार १ गते प्रदेश सरकारले बजेट प्रस्तुत गर्नुपर्ने बाध्यकारी व्यवस्था रहेको छ।
