सुनको मूल्य तोलामा रु १,४०० ले वृद्धि, चाँदी स्थिर
काठमाडौं - नेपाली बजारमा आज (आइतबार) सुनको मूल्यमा वृद्धि भएको छ भने चाँदीको मूल्य स्थिर रहेको छ।
नेपाल सुनचाँदी व्यवसायी महासंघका अनुसार, छापावाल सुनको मूल्य तोलामा एक हजार ४०० रुपैयाँले बढेर एक लाख ९१ हजार ८०० रुपैयाँ पुगेको छ। यसअघि शुक्रबार छापावाल सुनको मूल्य एक लाख ९० हजार ४०० रुपैयाँ थियो।
त्यस्तै, चाँदीको मूल्य तोलामा २ हजार ५ रुपैयाँमा कारोबार भइरहेको छ, जुन शुक्रबारको मूल्यसँग बराबर हो।
