सुनकोशी नदीमा पौडी खेल्ने क्रममा खोटाङका किशोर बेपत्ता
काठमाडौं - खोटाङको हलेसी तुवाचुङ नगरपालिका-२ डिकुवा घर भएका १६ वर्षीय सविन राई शनिबार बिहान करिब ११ बजेतिर सुनकोशी नदीमा पौडी खेल्ने क्रममा बेपत्ता भएका छन्। स्थानीय वडाध्यक्ष देबेन्द्र राईका अनुसार, सविन राईलाई नदीले बगाएको जानकारी प्राप्त भएको छ।
स्थानीयहरूले खोजी कार्य जारी राखेपनि हालसम्म सविन राईको अवस्था थाहा हुन सकेको छैन। च्यास्मिटार प्रहरी चौकीबाट प्रहरी टोली घटनास्थलमा पुगेको जिल्ला प्रहरी कार्यालय खोटाङले जनाएको छ।
