_FMyrqzwLLu.jpg)
विपक्षी दलको अवरोधपछि प्रतिनिधिसभा बैठक आधा घण्टाका लागि स्थगित
काठमाडौं - प्रतिनिधिसभाको आजको बैठक प्रमुख प्रतिपक्षी दलका सांसदहरूले गृहमन्त्री रमेश लेखकको राजीनामा र भिजिट भिसा प्रकरणमा उच्चस्तरीय छानबिन आयोगको गठनको माग गर्दै अवरोध गरेपछि सभामुख देवराज घिमिरेले बैठक ३० मिनेटका लागि स्थगित गरेका छन्।
बैठक सुरु हुने वित्तिकै विपक्षी दलका सांसदहरूले नाराबाजी गर्दै संसदको कामकारवाहीलाई अघि बढ्न नदिएपछि सभामुखले बैठक स्थगित गर्नुपरेको बताएका छन्। यसअघि मंगलबार पनि सोही विषयमा विपक्षी दलहरूले अवरोध गरेपछि बैठक स्थगित गरिएको थियो।
सभामुख घिमिरेले गृहमन्त्रीलाई बोल्नको लागि वातावरण बनाउन आग्रह गरेका थिए, तर विपक्षी दलका सांसदहरूले आफ्नो अडान कायम राखेपछि बैठक स्थगित गरिएको हो।
