संयुक्त राष्ट्रसंघमा ७ हजार जागिर धरापमा, आगामी २० महिनामा २० प्रतिशत कर्मचारी कटौती
काठमाडौँ - संयुक्त राष्ट्रसंघ (युएन) मा आगामी २० महिनाभित्र हजारौँ कर्मचारीहरूले आफ्नो जागिर गुमाउने जोखिममा परेका छन्। रोयटर्स समाचार एजेन्सीको एक रिपोर्टअनुसार, युएनले आन्तरिक ज्ञापन पत्रमार्फत कर्मचारी कटौतीको योजना सार्वजनिक गरेको छ।
संगठनले कुल कर्मचारी संख्याको २० प्रतिशत कटौती गर्ने तयारी गरेको छ, जसले गर्दा करिब ७ हजार जागिर जोखिममा पर्नसक्ने बताइएको छ।
युएनमा देखिएको आर्थिक संकटलाई यस कटौतीको मुख्य कारण मानिएको छ। रिपोर्टअनुसार, युएनले अमेरिकालाई अझै डेढ अर्ब अमेरिकी डलर तिर्न बाँकी रहेको छ। यो तथ्याङ्क युएन नियन्त्रकले सार्वजनिक गरेका हुन्।
यो जानकारी त्यतिबेला बाहिर आएको हो, जब अमेरिकी अर्बपति तथा पूर्व राष्ट्रपतिको सल्लाहकार एलन मस्कले खर्च बढाउने कानुनहरूप्रति असहमति जनाउँदै आफ्नो राजीनामा घोषणा गरेका थिए।
अमेरिकी राष्ट्रपति ट्रम्पले नोभेम्बर २० मा पदभार सम्हालेपछि खर्च कटौतीलाई प्राथमिकता दिँदै विभिन्न निर्णयहरू लिएका छन्। उनले विश्व स्वास्थ्य सङ्गठनजस्ता अन्तर्राष्ट्रिय संस्थाहरूको अनुदान कटौतीका साथै हार्वर्ड विश्वविद्यालयजस्ता शैक्षिक संस्थाहरूलाई दिइने अनुदानसमेत रोकेको छ।
