कांग्रेस केन्द्रीय समिति बैठक सुरु, थापालाई प्रधानमन्त्री उम्मेदवार घोषणा गर्ने तयारी
काठमाडौं — नेपाली कांग्रेसको केन्द्रीय कार्यसमितिको बैठक आज पार्टी केन्द्रीय कार्यालय सानेपामा सुरु भएको छ। बैठकमा पार्टी सभापति गगन थापालाई आगामी प्रतिनिधि सभा निर्वाचनका लागि भावी प्रधानमन्त्रीको उम्मेदवार घोषणा गर्ने औपचारिक निर्णय गर्ने तयारी गरिएको छ।
विशेष महाधिवेशनपछि पहिलो पटक बसिरहेको यस बैठकलाई कांग्रेसका लागि महत्वपूर्ण मानिएको छ। नेताहरूका अनुसार बैठकमा निर्वाचन रणनीति, चुनावी अभियानसँग सम्बन्धित समिति गठन तथा समसामयिक राजनीतिक विषयमा विस्तृत छलफल हुनेछ।
यस बैठकलाई आगामी चुनावी अभियानको औपचारिक सुरुवातका रूपमा हेरिएको छ। कांग्रेस नेतृत्वले संगठन सुदृढ गर्दै जनतामाझ नयाँ सन्देशसहित चुनावी मैदानमा उत्रने तयारी गरेको जनाएको छ।
