४७ वर्षपछि सिरियालाई अमेरिकाको ठूलो राहत! आतंकवाद सूचीबाट हटायो
काठमाडौं, ९ भदौ । अमेरिकाले ४७ वर्षपछि सिरियालाई ‘आतंकवाद प्रवर्द्धन गर्ने देश’को सूचीबाट हटाएको छ।
अमेरिकाका अनुसार यस कदमले सिरियामा विदेशी लगानी बढाउन र देशलाई विश्व अर्थतन्त्रमा पुनः जोड्न सहयोग गर्नेछ। विदेशमन्त्री मार्को रुबियोले यसले सिरियालाई आर्थिक समृद्धितर्फ अघि बढ्ने अवसर दिने बताएका छन्।
अमेरिकाको उक्त सूचीमा अब इरान, उत्तर कोरिया र क्युबा मात्र बाँकी छन्। पछिल्लो समय ट्रम्प प्रशासनले सिरियाका नयाँ राष्ट्रपति अहमद अल–शरासँग सम्बन्ध पनि विस्तार गरिरहेको छ।
