कांग्रेस महाधिवेशनमा १९ पदाधिकारीका लागि ७९ जनाको उम्मेदवारी
असोज २१। नेपाली कांग्रेसको १५औँ महाधिवेशनअन्तर्गत विभिन्न पदमा उम्मेदवारी दिएका नेताहरूको प्रारम्भिक नामावली सार्वजनिक भएको छ। केन्द्रीय निर्वाचन समितिका अनुसार निर्वाचनबाट चयन हुने १९ पदाधिकारीका लागि ७९ जनाको उम्मेदवारी परेको छ।
सभापति पदका लागि गगन थापा, किशोरसिंह राठोर र श्यामकृष्ण खड्गी प्रतिस्पर्धामा छन्। वरिष्ठ उपसभापतिमा विश्वप्रकाश शर्माको एकल उम्मेदवारी परेको छ भने महिला उपसभापतिमा पुष्पा भुसालको एकल उम्मेदवारी परेको छ।
प्रारम्भिक नामावलीमा दाबी–विरोधका लागि आज बिहान १० बजेदेखि १२ बजेसम्मको समय तोकिएको छ। त्यसपछि उम्मेदवारी फिर्तालगायतका प्रक्रिया पूरा गरी अन्तिम नामावली सार्वजनिक गरिनेछ।
