यो वर्ष ५६ लाख २१ हजार मेट्रिक टन धान उत्पादन
काठमाडौं, १५, असार । आर्थिक वर्ष २०७७/७८ मा ५६ लाख २१ हजार मेट्रिक टन धान उत्पादन भएको छ। असार १५ अर्थात १८ औं राष्ट्रिय धान दिवसका अवसरमा विभागले १४ लाख ७३ हजार हेक्टर क्षेत्रफलमा धान उत्पादन भएको बताएको हो। यसै सन्दर्भमा कृषि तथा पशुपन्छी विकासमन्त्री वसन्तकुमार नेम्वाङले कोरोना भाइरस संक्रमणको जोखिम कायम नै रहेको अवस्थामा स्वास्थ्य सावधानी अपनाएर काम गर्न अनुरोध गरेका छन्।
