निषेधाज्ञा खुकुलो भएसँगै दूधको खपतमा सुधार
काठमाडौं, २०, असार । काठमाडौं उपत्यकामा जारी निषेधाज्ञा खुकुलो हुँदै गएपछि दूध तथा दूग्धजन्य पदार्थको खपत तथा बजारीकरणको अवस्थामा सुधार आएको छ । असार १५ यता दूध तथा दूग्धजन्य पदार्थको खपत र बजारीकरणमा विस्तारै सुधार आएको निजी डेरी व्यवसायीले बताएका छन् ।
काठमाडौं उपत्यकामा गत असार १४ गतेदेखि निषेधाज्ञा केही खुकुलो हुँदै बजार, पसल दिनमा पनि खुल्ने र सार्वजनिक तथा निजी सवारी जोर बिजोर प्रणालीमा सञ्चालनमा आउन थालेका कारण पनि दूग्धजन्य पदार्थको माग बढेको देखिन्छ ।
असार १५ र त्यसयता दूधको खपत र बजारीकरणमा केही सुधार देखिएको नेपाल डेरी एशोसिएसनका महासचिव प्रल्हाद दाहाल बताउँछन् । उनका अनुसार, अहिले करिब ७० प्रतिशत दूध तथा दूग्धजन्य पदार्थको खपत र बजारीकरण भइरहेको छ ।
यसअघि कडाई गरि लगाइएको निषेधाज्ञाका बेला दूग्ध पदार्थको खपत ४० प्रतिशतमा खुम्चिएको थियो । त्यतिबेला दैनिक रुपमा १० करोड बढीको दूध तथा दूग्ध पदार्थ नोक्सान वा खेर गएको व्यवसायीले बताएका थिए ।
अहिले निषेधाज्ञा खुकुलो भएर बजार सुचारु हुन थालेको र ढुवानीमा समेत सहजता हुँदा दूधको बजारमा केही सुधार आएको दाहालले बताए ।
यता, सरकारी स्वामित्वको दूग्ध विकास संस्थान९डीडीसी० ले पनि दूधको बजार र खपत सामान्य बढेको जनाएको छ । दूधको खपत र बजार उल्लेख्य बढ्न स्कुल, कलेज र होटल तथा रेष्टुरेन्ट पनि खुल्नुपर्ने डीडीसीका महाप्रवन्धक रुद्रप्रसाद पौडेलले बताए ।
डीडीसीको बजारमा ९० हजार लिटर दूधको माग छ । तर, अहिले ७४ हजार लिटर दूधमात्रै बजारमा गइरहेको उनले बताए ।
काठमाडौं उपत्यकामा गत असार १४ गतेदेखि निषेधाज्ञा केही खुकुलो हुँदै बजार, पसल दिनमा पनि खुल्ने र सार्वजनिक तथा निजी सवारी जोर बिजोर प्रणालीमा सञ्चालनमा आउन थालेका कारण पनि दूग्धजन्य पदार्थको माग बढेको देखिन्छ ।
असार १५ र त्यसयता दूधको खपत र बजारीकरणमा केही सुधार देखिएको नेपाल डेरी एशोसिएसनका महासचिव प्रल्हाद दाहाल बताउँछन् । उनका अनुसार, अहिले करिब ७० प्रतिशत दूध तथा दूग्धजन्य पदार्थको खपत र बजारीकरण भइरहेको छ ।
यसअघि कडाई गरि लगाइएको निषेधाज्ञाका बेला दूग्ध पदार्थको खपत ४० प्रतिशतमा खुम्चिएको थियो । त्यतिबेला दैनिक रुपमा १० करोड बढीको दूध तथा दूग्ध पदार्थ नोक्सान वा खेर गएको व्यवसायीले बताएका थिए ।
अहिले निषेधाज्ञा खुकुलो भएर बजार सुचारु हुन थालेको र ढुवानीमा समेत सहजता हुँदा दूधको बजारमा केही सुधार आएको दाहालले बताए ।
यता, सरकारी स्वामित्वको दूग्ध विकास संस्थान९डीडीसी० ले पनि दूधको बजार र खपत सामान्य बढेको जनाएको छ । दूधको खपत र बजार उल्लेख्य बढ्न स्कुल, कलेज र होटल तथा रेष्टुरेन्ट पनि खुल्नुपर्ने डीडीसीका महाप्रवन्धक रुद्रप्रसाद पौडेलले बताए ।
डीडीसीको बजारमा ९० हजार लिटर दूधको माग छ । तर, अहिले ७४ हजार लिटर दूधमात्रै बजारमा गइरहेको उनले बताए ।
